Naibu Katibu Mkuu CCM Bara aipongeza Halmashauri ya Misungwi kwa miradi vizuri

Imewekwa : August 12th, 2022

Naibu Katibu Mkuu wa  Chama cha  Mapinduzi  Tanzania Bara Christina Mndeme asifu na kupongeza ujenzi wa Shule ya Sekondari  ya bweni ya wasichana Mwanangwa  Wilayani Misungwi  Mkoani Mwanza.

Bi. Christina Mndeme ametoa pongezi hizo katika ziara ya kikazi katika  Halmashauri  ya Wilaya ya Misungwi  na kupongeza serikali na Wananchi kwa kuanzisha miradi mbalimbali ikiwemo mradi wa  ujenzi wa Shule ya Sekondari ya Wasichana ya Mwanangwa katika Kata ya Mabuki itakayokuwa na wanafunzi 160, na bweni la wasichana pamoja na maabara.

Aidha amesema kuwa eneo la  ujenzi wa Mradi wa shule ya Sekondari  hiyo lipimwe na kuwekwe mipaka liwe hati miliki ili kuondoa migogoro ambayo inaweza kujitokeza,Sambasamba na hilo amesisitiza kuwepo  na miundo mbinu ya maji,umeme na ulinzi wa kutosha ili kuwalinda wanafunzi na walimu wasivamiwe.

Mkuu wa Wilaya ya Misungwi Mhe, Veronika Kessy amsema kuwa ujenzi wa Shule hiyo  utakapokamilika utaondoa adha kwa wanafunzi wa kike ya kutembea umbali mrefu Zaidi ya kilomita 6,hivyo itatatua changamoto zinazowakabili wanafunzi wa kike kutembea umbali mrefu  na kuwapa hamasa ya kubwa ya kujisomea.

Akitoa taaarifa kwa niaba ya kaimu mkurugenzi Mtendaji wa Halmashauri ya Misungwi. Bi ,Gloria Bunane alieleza kwamba shule hiyo itagharimu Zaidi shilingi milioni 700,000,000/=ambapo ujenzi wa Shule hiyo utakuwa awamu mbili ,awamu ya kwanza itaanza na majengo 4 ambayo yatagharimu shilingi milioni 457,000,000/= likiwemo bweni moja la wasichana ,bwalo kwa ajili ya chakula na vyumba vya madarasa 4  , ofisi ya walimu pamoja na jengo la maabara lenye vyumba viwili.

Bi,Gloria Bunane amesema kuwa ujenzi wa shule ya sekondari ya wasichana unatarajiwa kukumilika mwezi januari 2023 na shule hiyo itapokea wanafunzi wa kike kutoka sehemu mbalimbali ya Wilaya ya Misungwi .

Naibu Katibu Mkuu CCM Tanzania  Bara Ndg, Christina Mndeme kushoto akisalimiana Viongozi wa  mbalimbali wa ngazi ya Misungwi wa pili kulia ni Makamu Mwenyekiti wa Halmashauri ya Misungwi Mhe,Rahma Fidelis akifuatiwa na Mwenyekiti wa Halmashauri ya Misungwi Mhe, Kashinje Machibya mara baada ya kuwasili katika Mradi wa Ujenzi wa Sekondari  ya Mwanangwa.

Naibu Katibu Mkuu wa CCM Tanzania Bara Ndg,Christina Mndeme akishiriki kwa vitendo  katika Ujenzi wa ukuta wa jengo la bweni la wasichana Sekondari Mwanangwa  Wilayani  Misungwi