Mkoa wa Mwanza wakabidhi mbio za Mwenge wa Uhuru kwa Mkoa wa Mara kwa kishindo.

Imewekwa : September 3rd, 2018

Mkoa wa Mwanza wakabidhi Mbio za  Mwenge wa Uhuru kwa Mkoa wa Mara kwa kishindo kwa ajili ya kukimbizwa katika Halmashauri nane za Mkoa huo baada ya kumaliza mbio katika Halmashauri nane za Mkoa huu.

Kiongozi wa Mbio za Mwenge wa Uhuru Ndg,Charles Francis Kabeho akiagana na kutakiana heri na mafanikio Mkuu wa Wilaya ya Misungwi Mhe,Juma Sweda katika uwanja wa Kisorya Wilayani Bunda katika makabidhibiano Mkoani Mara.

Mkuu wa Wilaya ya Sengerema Mhe,Emmanuel Kipole kwa niaba ya  Mkuu wa Mkoa wa Mwanza Mhe,John Mongela mapema leo amekabidhi Mwenge wa Uhuru mwaka 2018 kwa Mkuu wa Wilaya ya Serengeti Mhe,Nurdin Babu aliyemwakilishi Mkuu wa Mkoa wa Mara,Mhe Adamu Kigoma Malima na kueleza kwamba Mwenge wa Uhuru umemeliza salama mbio zake katika Halmashauri nane za Mkoa wa Mwanza na umeweza kuzindua,kuweka Jiwe la Msingi,kufungua na kukagua miradi na shughuli mbalimbali za maendeleo kuanzia tarehe 26 Agosti, 2018 ulipopokelewa Kimkoa katika Kijiji cha Izizimba A katika Halmashauri ya Wilaya ya Kwimba na kukamilisha mbio hizo tarehe 2 Agosti, 2018 katika Halmashauri ya Wilaya ya Ukerewe.

Mratibu wa Mwenge wa Uhuru wa Halmashauri ya Wilaya ya Misungwi,Ndg,Abdallah Ramadhani (Aliyechuchumaa chini kushoto) akiwa mwenye furaha pamoja na Wakimbiza Mwenge kitaifa wakati wa kukabidhi Mwenge Wilayani Bunda Mkoani Mara.

Baadhi ya Viongozi wa ngazi ya Mkoa wa Mara wakisubiri kwa hamu kuupokea Mwenge wa Uhuru kutoka Mkoani Mwanza.

Kwa upande wake Mkuu wa Wilaya ya Serengeti Mhe,Nurdin Babu kwa niaba ya Mkuu wa Mkoa wa Mara amepokea Mwenge wa Uhuru mwaka 2018 na kukiri kuupokea ukiwa salama na unawaka na kumeremeta pamoja na Wakimbiza Mwenge wa kitaifa sita wakiongozwa na Kiongozi wa mbio za Mwenge Ndugu, Charles Francis Kabeho wakiwa na Afya njema na wenye umahiri mkubwa wa kazi na kwamba ukiwa katika Mkoa wa Mara utakimbizwa kwa kuzingatia ratiba ilivyopangwa.