Misungwi yaanza Vikao vya Kisheria vya Mapato na Matumizi kwa Mwaka 2024/2025

Imewekwa : January 15th, 2024

Menejimenti ya Halmashauri ya Wilaya ya Misungwi yaanza Vikao vya kisheria kupitia Makisio ya mpango wa bajeti ya Mapato na Matumizi ya fedha za utekelezaji wa Miradi ya Maendeleo na Matumizi ya kawaida kwa Mwaka 2024/2025.

Akizungumza katika Kikao cha Menejimenti ya Halmashauri mapema leo 15, Januari, 2024 Mkurugenzi Mtendaji wa Halmashauri ya Misungwi Bw. Joseph Mafuru ameeleza kwamba mchakato wa Maandalizi ya Makisio ya Bajeti ya Mapato na.Matumizi kwa mwaka ujao 2024/2025 unaendelea kwa kila Idara na Kitengo kuweka mpango wa Bajeti ya Mapato na Matumizi kulingana na shughuli na Miradi itakayotekelezwa kupitia fedha za Mapato ya ndani pamoja na fedha za Ruzuku ya Serikali kuu na Wafadhili kwa Mwaka wa fedha ujao.

Bw, Mafuru amewataka Wakuu wa Idara na Vitengo kuhakikisha wanaweka na kupanga Makisio ya Bajeti ya Mapato kwa uhalisia kulingana na namna ya ukusanyaji na Mapato  pamoja na kuwa wabunifu katika kuibua vyanzo mbalimbali kwa lengo la kuleta tija na manufaa kwa Wananchi.

Kwa upande wake Afisa Mipango wa Halmashauri ya Wilaya ya Misungwi Bi. Peniel Titus amesema kwamba wanatarajia  kuwa na  Makisio ya Bajeti ya Mapato na Matumizi ya zaidi ya Shilingi Bilioni 52 kwa mwaka wa fedha wa 2024/2025 ambayo inatarajiwa kutumika kutekeleza Miradi ya Maendeleo, Matumizi ya kawaida pamoja na  mishahara ya Watumishi kwa mwaka wa fedha 2024/2025,pia bajeti hii itaendelea kuboreshwa na kurekebishwa kulingana na matakwa ya kisheria na kibajeti pamoja na miongozo mbalimbali ikiwemo na kupitishwa katika vikao vya kisheria pamoja na kuidhinishwa na Baraza la Madiwani la Halmashauri.

Halmashauri ya Wilaya ya Misungwi kwa mwaka huu wa fedha 2023/2024 unaoishia mwezi Juni 2024 ilikisia kukusanya na kutumia Bajeti ya Shilingi 54 kutekeleza Miradi ya Maendeleo, Matumizi ya kawaida pamoja na  mishahara ya Watumishi.

Mkurugenzi Mtendaji wa Halmashauri ya Wilaya ya Misungwi Bw,Joseph Mafuru akiongoza kikao cha maksio ya Bajeti ya mwaka wa fedha 2024/2025 leo mapema katika ukumbi wa Halmashauri ya Wilaya ya Misungwi.

Wakuu wa Idara na Vitengo wakisikiliza kwa makini na kuchangia hoja mbalimbali katika kikao cha  makisio  ya Bajeti ya Mwaka wa fedha 2024/2025 katika ukumbi mkubwa  wa Halmashauri ya Wilaya ya Misungwi,ambapo Vikao vya kisheria vimeanza kufanyika leo.