DC Misungwi aagiza Hamasa kwa Wananchi kutoa watoto kupata Chanjo ya matone ya Polio

Imewekwa : August 30th, 2022

Kamati ya Afya ya Msingi yatakiwa kuhamasisha Wananchi na jamii kushiriki katika zoezi la Kampeni ya Chanjo ya Polio kwa watoto chini ya umri wa miaka mitano  Wilayani Misungwi Mkoani Mwanza.

Wito huo umetolewa na Mkuu wa Wilaya ya Misungwi Veronika Kessy mapema leo wakati akizungumza  katika mafunzo ya Wajumbe wa Kamati ya Afya ya msingi ngazi ya Wilaya katika Ukumbi wa Mikutano wa Halamshauri

Mhe,Veronica Kessy amesema na kuwasihi wajumbe wa Kamati ya Afya ya jamii kwamba  wanapaswa kutoa elimu na hamasa kwa jamii kuhusu zoezi hilo la Kampeni ya Chanjo ya polio na hivyo waweze kuondoa upotoshaji wa unaojitokeza kwa Wananachi kushiriki katika chanjo ya Polio ambayo inatarajiwa kutolewa mapema.

Kwa upande wake Kaimu Mkurugenzi wa Halmashauri ya Misungwi Bw Benson Mihayo ameishukuru Serikali ya awamu ya Sita kwa kutoa fedha kwa ajili ya zoezi la Chanjo ya Polio na kuwataka Wajumbe wa kamati ya Afya y msingi kuanza kutoa elimu kwa Wananchi  ili wajue faida na hasara za chanjo ya Polio itakayotolewa kwa watoto chini ya umri wa miaka mitano pamoja na kutoa matangazo ya hamasa na jamii iwe tayri kushiriki zoezi la Chanjo.

Naye  Mratibu wa Elimu ya Afya kwa umma Wilaya  Pauulina Lubimbi amesema kwamba katika Kampeni ya  chanjo ya Polio awamu ya kwanza Wilaya ya Misugwi ilifanikiwa kwa asilimia 109 kwa kutoa chanjo kwa watoto wapatao 121, 101 na Kamati imejiandaa kufanya maandalizi ya hamasa kwa Wananchi kwa kushikisha wahamasishaji ngazi ya jamii ambao ni 295 watakaoweza kupita katika Kaya na kuwaeleza Wananchi kuhusu zoezi la Chanjo ya Polio.

Mratibu wa Elimu ya Afya  kwa umma Bi, Paulina Lubimbi akijibu maswali ya wajumbe katika mkutano katika ukumbi wa Halmashauri ya Misungwi katika zoezi la kampeni ya Chanjo ya matone ya  Polio . 

Kaimu Mkurugenzi wa Halmashauri ya Wilaya ya Misungwi Benson Mihayo aikihitimisha Mafunzo kwa niaba ya Mkuu wa Wilaya ya Misungwi mapema leo katika ukumbi  wa Halmashauri katika mafunzo ya zoezi la Kampeni ya Chanjo.ya matone ya Polio.